Царю Небесный, Утешителю, Душе истины,
Иже везде сый и вся исполняяй,
Сокровище благих и жизни Подателю,
прииди и вселися в ны,
и очисти ны от всякия скверны,
и спаси, Блаже, душы нашя.
Богородице Дево, радуйся,
Благодатная Марие, Господь с Тобою,
благословенна Ты в женах,
и благословен плод чрева Твоего,
яко Спаса родила еси душ наших.
Хвалебная песнь Богородице.
Прослушать (нажмите кнопку с номером):
Достойно есть яко воистину блажити Тя Богородицу,
присноблаженную и пренепорочную
и Матерь Бога нашего.
Честнейшую херувим и славнейшую без сравнения серафим,
без истления Бога Слова рождшую,
сущую Богородицу Тя величаем.
Отче наш, Иже еси на небесех!
да святится имя Твое,
да приидет Царствие Твое:
да будет воля Твоя,
яко на небеси, и на земли.
Хлеб наш насущный даждь нам днесь:
и остави нам долги нашя,
якоже и мы оставляем должником нашым:
и не введи нас во искушение,
но избави нас от лукавого.
Яко Твое есть Царство и сила и слава,
Отца и Сына и Святаго Духа,
ныне и присно и во веки веков.
Аминь. (Матфея 6:9-13)(Луки 11:2-4).
Отче наш, сущий на небесах!
да святится имя Твое;
да приидет Царствие Твое;
да будет воля Твоя
и на земле, как на небе;
хлеб наш насущный дай нам на сей день;
и прости нам долги наши,
как и мы прощаем должникам нашим;
и не введи нас в искушение,
но избавь нас от лукавого.
Ибо Твое есть Царство и сила и слав
Отца и Сына и Святаго Духа,
ныне и присно и во веки веков. Аминь. (Матфея 6:9-13)(Луки 11:2-4).
Ангеле Божий, хранителю мой святый,
на соблюдение мне от Бога с небесе данный,
прилежно молю тя:
ты мя днесь просвети,
и от всякого зла сохрани,
ко благому деянию настави
и на путь спасения направи. Аминь.
Спаси, Господи, и помилуй отца моего духовнаго (имя его),
родителей моих (имена их),
сродников, наставников и благодетелей
и всех православных христиан.
Молитва за умерших.
Упокой, Господи, души усопших раб Твоих (имена)
и всех усопших сродников и благодетелей моих,
и прости их вся согрешения вольная и невольная,
и даруй им царствие небесное.
Преблагий Господи
ниспосли нам благодать Духа Твоего Святаго,
дарствующаго смысл и укрепляющаго душевныя наши силы,
дабы, вниная преподаваемому нам учению,
возросли мы Тебе, нашему Создателю, во славу,
родителям же нашим на утешение,
Церкви и отечеству на пользу.
Молитва после учения.
Благодарим Тебе, Создателю,
яко сподобил еси нас благодати Твоея,
во еже внимати учению.
Благослови наших начальников, родителей и учителей,
ведущих нас к познанию блага,
и подаждь нам силу и крепость к продолжению учения сего.
Молитвы перед вкушением пищи и после вкушением пищи:
Молитва перед вкушением пищи.
Очи всех на Тя, Господи, уповают,
и Ты даеши им пищу во благовремении:
отверзаеши Ты щедрую руку Твою
и исполняеши всякое животно благословения. (Псал. 144:15,16).
Молитва после вкушением пищи.
Благодарим Тя, Христе Боже наш,
яко насытил еси нас земных Твоих благ;
не лиши нас и небеснаго Твоего Царствия.
К Тебе, Владыко человеколюбче,
от сна востав, прибегаю,
и на дела Твоя подвизаюся милосердием Твоим,
и молюся Тебе: помози ми на всякое время во всякой вещи,
и избави мя от всякия мирския злыя вещи и диавольскаго поспешения,
и спаси мя, и введи мя в царство Твое вечное.
Ты бо еси мой Сотворитель и всякому благу Промысленник и Податель,
о Тебе же все упование мое,
и Тебе славу возсылаем ныне, и присно, и во веки веков. Аминь.
Вечерняя молитва.
Прослушать (нажмите кнопку с номером):
Господи Боже наш,
еже согреших во дни сем словом, делом и помышлением,
яко благ и человеколюбец, прости мя;
мирен сон и безмятежен даруй ми;
Ангела Твоего хранителя посли
покрывающа и соблюдающа мя от всякого зла;
яко Ты еси хранитель душам и телесам нашим,
и Тебе славу возсылаем Отцу, и Сыну и Святому Духу,
ныне, и присно, и во веки веков. Аминь.
1. Верую во единого Бога Отца, Вседержителя,
Творца небу и земли, видимым же всем и невидимым.
2. И во единаго Господа Иисуса Христа, Сына Божия,
Единороднаго, Иже от Отца рожденнаго прежде всех век:
Света от Света, Бога истинна от Бога истинна,
рожденна, несотворенна, единосущна Отцу, Имже вся быша.
3. Нас ради человек и нашего ради спасения
сшедшаго с небес и
воплотившагося от Духа Свята и Марии Девы вочеловечшася.
4. Распятого же за ны при Понтийстем Пилате,
и страдавша, и погребенна.
5. И воскресшаго в третий день по писанием.
6. И возшедшаго на небеса,
и седяща одесную Отца.
7. И паки грядущаго со славою судити живым и мертвым,
Егоже Царствию не будет конца.
8. И в Духа Святаго, Господа животворящаго,
Иже от Отца исходящаго,
Иже со Отцем и Сыном спокланяема и сславима,
глаголавшаго пророки.
9. Во едину святую, соборную и Апостольскую Церковь.
10. Исповедую едино крещение во оставление грехов.
11. Чаю воскресения мертвых:
12. И жизни будущаго века. Аминь.
Сокращения на кнопках прослушивания песнопений: 1. Раннее Русское Многоголосие. 2. Киевско-Печорская Лавра. 3. Хор Братии Валаамского Монастыря. 4. Хор Киевской Духовной Академии. 5. Павел Чесноков. Литургия Иоанна Златоуста. 6. Сергей Рахманинов. Литургия. 7. Шедевры Православной музыки. 8. Молитвы Утренние. 9. Молитвы на сон грядущий.
